Maladi Klamidiya

    Maladi Klamidiya

Klamidiya se yon mikwòb k’ap bay anpil fòm de maladi nan kabrit yo.Klamidiya se yon mikwòb kap rete nan trip kabrit  yo epi pafè anyen,sa vle di li pafè kabrit malad,men kabrit sa a ap toujou mete mikwòb yo a tè lè yo twalèt epi lot kabrit ka vin enfekte ak maladi a.Li atake e fè Kabrit yo malad apre yo pran chòk.pou egzanp le w al nan mache epi ou  achte,de twa jou apre w vini nan kay la ouwè kabrit la vin malad.

Ki siy nou ka wè ak Klamadiya ?

Kabrit la gen je k’ap koule dlo,li ka touse,men li pa gen gwo larim.Apre kek jou wap wè je li vin blanch epi yo avèg.

Si ou Rele yon veterinè ou ka geril touswit,men si ou tann two lontan avan ‘w  bay medikamen kabrit la ap avèg nèt. Lòt Fòm maladi  Klamidiya ap fe kabrit ki gwo plenn (denye mwa) fè avòtman oubyen pitit yo ka fèt men yo fèb oubyen yo pa vivan. Ou yo ka fèt tou mouri.

Ki jan pou’m  trete maladi Klamadiya?

Medikaman k’ap geri maladi sa se  ositetrasiklin (Oxytetracycline).Li pi bon pou gen yon Veterinè bay piki yo pou asire bèt la ap resevwa kantite medikaman li bezwen. Si  se nan dòz  20mg/kg.Si Duramycin 300 wap bay li 1-2 piki (yon piki chak 7 jou)

Ki jan pou’m  anpeche maladi Klamadiya rive sou kabrit mwen ?

Lew achte yon nouvo kabrit kenbel apa lot kabrit  pa ou ,pou kèk jou pou wè si li vini malad.

Si ou gen kabrit ki gen Klamadiya pa kitel rete ak lot kabrit yo. Kenbel apa jis li geri.Li pi bon  pou bay kabrit yo ki pre sa ki malad yon piki medikaman tou,menm si’l  pa montre ou siy yo malad,lika edew anpeche  yo gen maladi a. Si yo gen pwoblèm je blanch li bon pou bay piki epi mete pomad oubyen gout tetrasiklin nan je ki afekte a.

⧭

Mesi Deske te pwan tan pou te li ,e konpran maladi sa.e siw ta  yon elvè kabrit toujou mete ti konsèy sa yo an prekosyon pou ou pa pè di bèt ou. "Bèt ou se kanè bank ou li ye li ye"